Հնդկաստանի հայ համայնքը հովանավորում է Գևորգ Դադասյանի բուժումը

30 հուլիսի, 2016

2016թ. նոյեմբերին շփման գծում վիրավորված Արցախի Հանրապետության Պաշտպանության բանակի սերժանտ Գևորգ Դադասյանը ս.թ. հուլիսի 29-ին ժամանեց Կալկաթա։ Գևորգ Դադասյանը հայրենիքը խիզախորեն պաշտպանելիս վիրավորվել է՝ կորցնելով է իր աջ ձեռքը։ Նա Հնդկաստանի լավագույն բժշկական հաստատություններից մեկում կանցնի ժամանակակից պրոթեզավորում։ Բուժումը, ճանապարհածախսը և կեցության հետ կապված ծախսերն ամբողջովին հոգում է Կալկաթայի Սուրբ Նազարեթ հայ առաքելական եկեղեցին։

Նախորդ տարի նույն՝ «Ottobock» հեղինակավոր բժշկական կենտրոնում բարձրակարգ պրոթեզավորում էր անցել նաև ՀՀ ԶՈՒ ավագ լեյտենանտ Սարգիս Գաբրիելյանը։

Գևորգ Դադասյանին դիմավորեցին Հնդկաստանում ՀՀ դեսպանության և Հայոց մարդասիրական ճեմարանի ներկայացուցիչները։ Նույն օրն ի պատիվ Հայաստանից ժամանած հյուրերի ճեմարանում տրվեց ընթրիք, որին ներկա էին Հայկական եկեղեցական խորհրդի անդամները, դեսպանության ներկայացուցիչը և դպրոցի ուսուցիչներն ու սաները։ Հնդկահայ համայնքի հոգևոր հովիվ, Կալկաթայի Հայոց մարդասիրական ճեմարանի և Դավթյան օրիորդաց վարժարանի կառավարիչ գերաշնորհ Հայր Մովսես Սարգսյանը ողջունեց հյուրերին՝ մաղթելով հայ մարտիկին շուտափույթ ապաքինում։

Բուժման ողջ ընթացքում Գևորգ Դադասյանը և նրա մայրը բնակվելու են Հայկական մարդասիրական ճեմարանում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր