70-րդ հոբելյանական դիվանագիտական բարեգործական տոնավաճառ Նյու Դելիում

04 փետրվարի, 2023

2023թ. փետրվարի 4-ին Նյու Դելիում Դիվանագիտական համայնքի և Դելիի կանանց Համագործակցության ասոցիացիայի համատեղ կազմակերպմամբ տեղի ունեցավ 32-րդ դիվանագիտական բարեգործական տոնավաճառը։ Տոնավաճառին մասնակցում էին շուրջ 30 դիվանագիտական ներկայացուցչություններ և շուրջ 20 հնդկական ընկերություններ, այդ թվում նաև Հնդկաստանում Հայաստանի դեսպանությունը։ Հայկական տաղավարում ներկայացված էին ձեռագործ արվեստի նմուշներ, արծաթյա զարդեր, ազգային խոհանոցի ուտեստներ, Հայաստանի մասին պատմող տեղեկատվական ամսագրեր և այլ նյութեր։ Օրվա ընթացքում հայկական տաղավարն այցելեցին Հնդկաստանում հավատարմագրված դեսպաններ, դիվանագետներ, քաղաքական, կրթական, մշակութային բնագավառների ներկայացուցիչներ, լրագրողներ և այդ թվում՝ Հնդկաստանի արտաքին գործերի նախարար Ս. Ջայշանկարի կինը: Տիկին Կիոկո Ջայշանկարը հատուկ հետաքրքրությամբ էր ուսումնասիրում հայկական տաղավարում ներկայացված ձեռագործ աշխատանքները:

Ի նշան հարգանքի՝ ՀՀ դեսպանության աշխատակիցները տիկին Ջայշանկարին հանձնեցին հայկական հուշանվեր և Հայաստանի սահմանների 2600 տարիների պատմությունը ներկայացնող Ռ. Գալիչյանի աշխատությունը, որն անգլերեն լեզվով տպագրվել է 2022թ. ՛՛Զանգակ՛՛ հրատարակչությունում:

Տոնավաճառին մասնակցելու առիթով Հայաստանը ներկայացված էր Հնդկաստանում դիվանագիտական համայնքի և Դելիի կանանց համագործակցության ասոցիացիայի կողմից 2023թ. կազմակերպված տոնավաճառի տեղեկագրում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր