«World Food India 2024» երրորդ ցուցահանդես

19 սեպտեմբերի, 2024

2024 թ. սեպտեմբերի 19-ին Հնդկաստանում ՀՀ դեսպան Վահագն Աֆյանը մասնակցել է սեպտեմբերի 19-ից 22-ը Հնդկաստանի մայրաքաղաք Նյու Դելիի «Պրագատի Մայդան» ցուցահանդեսային համալիրում կազմակերպված «World Food India 2024» երրորդ ցուցահանդեսի բացման արարողությանը։

Ցուցահանդեսին, ՀՀ էկոնոմիկայի նախարարության համադրմամբ, Հայաստանն առաջին անգամ ներկայացել է երկու ազգային միասնական տաղավարներով, որոնց այցելությամբ ՀՀ դեսպանը զրույցներ է ունեցել հայկական մի շարք ընկերությունների ներկայացուցիչների հետ, ծանոթացել ցուցադրվող արտադրանքին (ալկոհոլային խմիչք, ըմպելիք, վերամշակված սնունդ և այլն)։

Ցուցահանդեսի պաշտոնական բացման արարողությանը ելույթներով հանդես են եկել Սպառման, սննդի, հանրային բաշխման և նոր, վերականգնվող էներգետիայի նախարար Պրալհադ Ջոշին, Սննդի մշակման արդյունաբերության նախարար Չիրագ Պասվանը և Սննդի մշակման արդյունաբերության և երկաթուղիների պետնախարար Ռավնիթ Սինգհ Բիթթուն։

«World Food India 2024» ցուցահանդեսում ներկայացված են մի շարք երկրներ, ազգային տաղավարներ, ինչպես նաև ընկերություններ և առևտրային ցանցեր, որի շրջանակներում տեղի են ունենում գործարար հանդիպումներ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր