Դելիում կայացավ Առողջապահության համաշխարհային կազմակերպության Ծխախոտի վերահսկման շրջանակային կոնվենցիայի նստաշրջանը

13 նոյեմբերի, 2016

Ս.թ նոյեմբերի 7-ից 12-ը Նյու Դելիում կայացավ Առողջապահության համաշխարհային կազմակերպության Ծխախոտի վերահսկման շրջանակային կոնվենցիայի 7-րդ նստաշրջանը, որի աշխատանքներին հավատարմագրված էր Հնդկաստանում ՀՀ դեսպան Ա.Մարտիրոսյանը։

Հինգօրյա քննարկումների ընթացքում կազմակերպության անդամ երկրների և բազմաթիվ ոչ կառավարական կազմակերպությունների ներկայացուցիչները քննարկեցին մի շարք բանաձևերի նախագծեր, որոնց նպատակն է հստակեցնել և խստացնել ծխախոտի վերահսկաման մեխանիզմները։ Քննարկվող հարցի համատեքստում առանձնահատուկ ուշադրություն է հատկացվել առավել խոցելի խավերի՝ անչափահաս երեխաների, երիտասարդների և կանաց շրջանում ծխախոտի օգտագործումը սահմանափակելու հնարավոր ուղիներին։

Առողջապահության համաշխարհային կազմակերպության Ծխախոտի վերահսկման շրջանակային կոնվենցիայի 7-րդ նստաշրջանի քննարկումների արդյունքում ընդունվեց Դելիի հռչակագիրը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր