Դեսպան Ա.Մարտիրոսյանի հանդիպումը Հնդկաստանի փոխնախագահի հետ

12 հոկտեմբերի, 2015

Հոկտեմբերի 12-ին Հնդկաստանում ՀՀ դեսպան Արմեն Մարտիրոսյանը հանդիպում ունեցավ Հնդկաստանի փոխնախագահ, Հնդկաստանի խորհրդարանի վերին պալատի՝ Ռաջյա Սաբհայի նախագահ Մոհամադ Համիդ Անսարիի հետ:

Հանդիպման ընթացքում զրուցակիցները փաստեցին հայ-հնդկական հարաբերությունների շարունակական զարգացումը և ամրապնդումը: Հնդկաստանի փոխնախագահի խնդրանքով դեսպան Ա.Մարտիրոսյանը ներկայացրեց ԼՂՀ հակամարտության կարգավորման գործընթացը, հարևան երկրների հետ ՀՀ հարաբերությունները և տարածաշրջանում առկա ընդհանուր իրավիճակը: Հնդկաստանի փոխնախագահը հույս հայտնեց հակամարտության խաղաղ կարգավորման վերաբերյալ:

Խոսելով առևտրատնտեսական հարաբերությունների մասին՝ կողմերն ընդգծեցին այդ բնագավառում առկա ներուժը և երկկողմ համագործակցությունն էլ ավելի խթանելու և խորացնելու ուղղությամբ ջանքեր գորածդրելու անհրաժեշտությունը։

Մ.Հ.Անսարին, անդրադառնալով մշակութային ոլորտին, կարևորեց պատմության ընթացքում հայ համայնքի ունեցած դերը Հնդկաստանում և շեշտեց հայ և հնդիկ ժողովուրդների՝ դեռևս հին դարերից եկող ավանդական կապերը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր