Կայացել է զբոսաշրջիկությանը նվիրված հանդիպում Չեննայում

01 փետրվարի, 2016

Ս.թ հունվարի 27֊ին Հնդկաստանի Հանրապետությունում ՀՀ դեսպանության և Չեննայում ՀՀ պատվո հյուպատոսության նախաձեռնությամբ Չեննայում՝ ՀՀ պատվո հյուպատոսարանում, տեղի ունեցավ Հայաստանից ժամանած «Going2Armenia» և «IDeA» ընկերությունների ներկայացուցիչներ Անի Բարսեղյանի և Արմեն Մինասյանի հանդիպումը նահանգի զբոսաշրջության ոլորտի խոշոր գործակալությունների ներկայացուցիչների հետ։ Գործարար հանդիպմանն ի դեմս Քրիստինա Սարգսյանի ներկայացված էր նաև Նյու Դելիում գործող «Mystique Mantras Travel» ընկերությունը, որն ակտիվ զբաղվում է Հնդկաստանից Հայաստան արտագնա տուրիզմի զարգացման հարցերով։

Հնդկական ընկերությունները մեծ հետաքրքրություն ցուցաբերեցին Հայաստանի հանդեպ և քննարկման արդյունքում կողմերը պայմանավորվեցին զարգացնել փոխշահավետ համագործակցություն։ Հայկական ընկերությունների ներկայացուցիչները մասնակցել են նաև ս.թ. հունվարի 29-ից 31-ը Նյու Դելիում ընթացող «SATTE» միջազգային տուրիստական ցուցահանդեսին, որը խոշորագույնն է տարածաշրջանում։ Ներկայում աճում է Հնդկաստանից Հայաստան մեկնող զբոսաշրջիկների թիվը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր