Երևանի պետական բժշկական համալսարանում հիմնադրվեց հոմեոպաթիայի ամբիոն

11 ապրիլի, 2016

Ս.թ. ապրիլի 6-ից 9-ը աշխատանքային այցով Նյու Դելիում էր գտնվում Երևանի Մ.Հերացու անվան պետական բժշակական համալսարանի պատվիրակությունը՝ համալսարանի ռեկտոր Մ.Նարիմանյանի գլխավորությամբ։

Հնդկաստանում ՀՀ դեսպան Ա.Մարտիրոսյանի մասնակցությամբ պատվիրակությունը հանդիպումներ է ունեցել Հնդկաստանի բժշկական խորհրդի և Հնդկաստանի առողջապահության և ընտանիքի բարեկեցության նախարարության ղեկավարության հետ։ Հնդկական կողմին ներկայացվել են ԵՊԲՀ գործունեության հիմնական ուղղություններն, ինչպես նաև համալսարանում հնդիկ ուսանողների ուսուցման և կենցաղի կազմակերպման հետ կապված հարցերը։ Հետագա համագործակցության արդյունավետ կազմակերպման նպատակով պայմանավորվածություն է ձեռք բերվել պարբերաբար իրականացնել տեղեկատվության փոխանակում ԵՊԲՀ-ի և Հնդկաստանի վերոհիշյալ կառույցների միջև։

Ապրիլի 9-ին հայկական պատվիրակությունը մասնակցել է հոմեոպաթիայի միջազգային համաժողովի աշխատանքներին, որտեղ ելույթով հանդես եկավ ԵՊԲՀ-ի ռեկտոր Մ.Նարիմանյանը։ Համաժողովի շրջանակներում Հնդկաստանի հոմոեոպաթիայի հետազոտությունների կենտրոնական խորհրդի և ԵՊԲՀ-ի միջև ստորագրվել է փոխըմբռնման հուշագիր, որը նախատեսում է ԵՊԲՀ֊ում հոմեոպաթիայի ամբիոնի հիմնադրում։ Այն հնարավորություն կընձեռի ԵՊԲՀ-ի ուսանողներին ուսումնասիրել հոմեոպաթիայի բնագավռում Հնդկաստանի հարուստ փորձը։ Նշյալ ծրագիրը հաստատվել էր ս.թ ապրիլի 1֊ին Երևանում կայացած հայ-հնդկական միջկառավարական հանձնաժողովի նիստի որոշմամբ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր