Հնդիկ գործարարները Երևանում հանդիպել են ՀՀ գյուղատնտեսության նախարարի հետ։

26 մայիսի, 2016

ՀՀ գյուղատնտեսության նախարար Սերգո Կարապետյանը ս.թ. մայիսի 25-ին ընդունել է հնդկական «NEL group» և «YNG group» ընկերությունների տնօրեն ՅՆ Գուպտայի գլխավորած պատվիրակությանը: Հյուրերը Հայաստան են ժամանել ս.թ. փետրվարին նախարարի` Հնդկաստան կատարած պաշտոնական այցի ընթացքում ձեռք բերված պայմանավորվածությունների շրջանակում:

Հանդիպման ընթացքում քննարկվել է հնդկական գյուղտեխնիկայի, մասնավորապես տրակտորների Հայաստան ներկրման հնարավորությունը։ Այս կապակցությամբ նախարարն ընդգծել է հայ ֆերմերների համար գյուղտեխնիկայի գների մատչելիության, բարձր որակի ապահովման և հետագա տեխնիկական սպասարկման կարևորությունը:

Քննարկվել է նաև հայկական գինիների հնդկական շուկա արտահանման հնարավորությունը։ Հնդիկ գործարարները այցելել են մի շարք գինեգործական ձեռնարկություններ, տեղում ծանոթացել արտադրական գործընթացին և Հայ գինեգործների միության հետ համատեղ նախանշել այս ուղղությամբ հետագա անելիքները։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր