Հնդկաստանի հայ համայնքը հովանավորում է հայ զինվորի բուժումը։

02 օգոստոսի, 2016

Ս.թ. հուլիսի 31-ին ՀՀ ԶՈՒ ավագ լեյտենանտ Սարգիս Գաբրիելյանը քրոջ՝ Լուսինե Գաբրիելյանի ուղեկցությամբ ժամանեց Կոլկաթա։ Ավագ լեյտենանտ Գաբրիելյանը, ով հայրենիքը պաշտպանելիս կորցրել է իր աջ ձեռքը, Հնդկաստանի լավագույն բժշկական հաստատություններից մեկում պետք է անցի համապատասխան պրոթեզավորում։ Բուժումն ամբողջապես հովանավորում է հայկական Սուրբ Նազարեթ եկեղեցին։

Օդանավակայանում Ս.Գաբրիելյանին դիմավորեցին Հնդկաստանում ՀՀ դեսպանության, Հայկական եկեղեցական խորհրդի և Հայոց մարդասիրական ճեմարանի ներկայացուցիչները։

Նույն օրն, ի պատիվ Հայաստանից ժամանած հյուրերի, ճեմարանում տրվեց նախաճաշ՝ Հայկական եկեղեցական խորհրդի անդամների, դեսպանության ներկայացուցչի և դպրոցի ուսուցիչների ու աշակերտների մասնակցությամբ։ Հնդկահայ համայնքի հոգևոր հովիվ, Կոլկաթայի Հայոց մարդասիրական ճեմարանի և Դավթյան օրիորդաց վարժարանի կառավարիչ գերաշնորհ Հայր Մովսես Սարգսյանը ողջունեց հյուրերին և մաղթեց շուտափույթ ապաքինում ու հաճելի ժամանակ Կոլկաթայում։ Ճեմարանի աշակերտները կատարեցին հայրենասիրական երգեր և արտասանեցին բանաստեղծություններ։ Հյուրերը մասնակցեցին նաև ճեմարանի աշակերտների ծննդյան օրվան նվիրված միջոցառմանը։

Բուժման ողջ ընթացքում Ս.Գաբրիելյանը և նրա քույրը բնակվելու են Հայկական մարդասիրական ճեմարանում, որտեղ Հայաստանից և Սփյուռքից այժմ միջնակարգ կրթություն են ստանում բազմաթիվ աշակերտներ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր