Հնդիկ գործարարների պատվիրակությունն այցելում է Հայաստան

28 սեպտեմբերի, 2016

Ս.թ. սեպտեմբերի 28-ին Հայաստանի մայրաքաղաքի «Երևան» հյուրանոցում մեկնարկեց հայ-հնդկական գործարար ֆորումը, որին մասնակցում էր Հնդկաստանի հարավային նահանգներից ժամանած 13 գործարար։ Նրանք ներկայացնում էին տնտեսության տարբեր ճյուղեր և ժամանել էին Հայաստան՝ ուսումնասիրելու երկրի ներդրումային ներուժը, ինչպես նաև Հայաստանի միջոցով Եվրասիական տնտեսական միության շուկա մուտք գործելու հնարավորությունները։ Ֆորումը կազմակերպել էին Հնդկաստանում ՀՀ դեսպանությունը և Չեննայում ՀՀ պատվո հյուպատոսությունը՝ ՀՀ առևտրաարդյունաբերական պալատի հետ համատեղ։

Հանդիպման բացմանը ողջույնի խոսքով հանդես եկան ՀՀ արտաքին գործերի փոխնախարար պ-ն Ռ.Հարությունյանը, Հայաստանում Հնդկաստանի արտակարգ և լիազոր դեսպան պ-ն Յ.Սանգվանը և ՀՀ առևտրաարդյունաբերական պալատի գործադիր տնօրեն պ-ն Ա.Ալեքսանյանը։

Բացման արարողությունից հետո մեկնարկեց ֆորումի աշխատանքային մասը, որի ընթացքում հնդիկ և հայ գործարարները համատեղ քննարկեցին համագործակցության հեռանկարները։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր