Դեսպան Ա.Մարտիրոսյանի այցը Հնդկաստանի Օդիշա նահանգի ցեղային բնակչության երեխաների կրթահամալիր։

18 փետրվարի, 2017

Ս.թ. փետրվարի 17-ից 18-ը դեսպան Ա.Մարտիրոսյանը Կալինգայի սոցիալական հետազոտությունների ինստիտուտի հիմնադիր Աչյուտ Սամանթայի հրավերով այցելել է ցեղային բնակչության երեխաների կրթական կարիքների ապահովման նպատակով հիմնված աշխարհի խոշորագույն ուսումնական հաստատությունը։

Կրթահամալիրն իր 25 hազար սաներին անվճար ապահովում է կեցավայր, սնունդ, բուժսպասարկում և մանկապարտեզից մինչև հետբուհական կրթություն։ Ուսմանը զուգահեռ աշակերտներին տրամադրվում է նաև մասնագիտական կրթություն։ Դպրոցի լավագույն շրջանավարտները կրթությունը շարունակում են Ա.Սամանթայի կողմից հիմնադրված Կալինգայի ինդուստրիալ տեխնոլոգիաների ինստիտուտում, որտեղ ավելի քան 100 ուղղությամբ մասնագիտական կրթություն է ստանում մոտ 27 հազար ուսանող։

Այցի ընթացքում դեսպան Ա.Մարտիրոսյանը հանդիպումներ է ունեցել դպրոցի մանկավարժների և աշակերտների հետ։ Նա այցելել է համալսարանի բիոտեխնոլոգիայի ֆակուլտետը և ծանոթացել վերջինիս կրթական և գիտահետազոտական գործունեությանը։ ՀՀ դեսպանին ներկայացվել է նաև համալսարանի բիզնես-ինկուբատորի գործունեությունը։ Ա.Մարտիրոսյանը և Ա.Սամանթան ձեռք են բերել պայմանավորվածություն հետագա համագործակցության վերաբերյալ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր