Կլոր սեղան-քննարկում՝ երկու երկրների միջև դիվանագիտական հարաբերությունների հաստատման 25-ամյակի առթիվ։

16 մարտի, 2017

Ս.թ. մարտի 16-ին «Հայ-հնդկական բարեկամություն» և «Հայկական մշակութային կենտրոն» հասարակական կազմակերպությունները Նյու Դելիի Ջավահարլալ Ներուի անվան համալսարանում կազմակերպել էին քննարկում՝ նվիրված Հայաստանի և Հնդկաստանի միջև դիվանագիտական հարաբերությունների հաստատման 25-ամյակին։

Ողջույնի խոսքով մասնակիցներին դիմեցին վերոնշյալ կազմակերպությունների ղեկավարներ Ռանանջայ Անանդը և Գայանե Մովսիսյանը։ Միջոցառմանը ներկա էին և ելույթով հանդես եկան Հայաստանում Հնդկաստանի նախկին դեսպաններ Վ.Բ.Սոնին, Բալ Անանդը, Աչալ Մալհոտրան, Հնդկաստանի ԱԳՆ Եվրասիայի վարչության պետի տեղակալ տիկին Չիտրա Սուրեշը և Հնդկաստանում ՀՀ դեսպան Ա.Մարտիրոսյանը։

Համալսարանի դասախոսները և ուսանողները, ինչպես նաև Նյու Դելիի հայ համայնքի ներկայացուցիչները հարցեր ուղղեցին բանախոսներին և հանդես եկան տարբեր առաջարկներով՝ միտված հայ-հնդկական հարաբերությունների հետագա զարգացմանը։

Համալսարանի սրահում կազմակերպվել էր նաև թեմատիկ լուսանկարների ցուցահանդես։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր