Հնդկաստանի հայկական կրթօջախը 196 տարեկան է

02 ապրիլի, 2017

Ս.թ. ապրիլի 2-ին Հնդկաստանում ՀՀ դեսպան Արմեն Մարտիրոսյանը մասնակցեց Կոլկաթայի Հայոց մարդասիրական ճեմարանի և Դավթյան օրիորդաց վարժարանի հիմնադրման 196-ամյակին նվիրված հանդիսավոր երեկոյին։

Միջոցառմանը ներկա էին հնդկահայ համայնքի ներկայացուցիչներ, Կոլկաթայի կաթողիկե եկեղեցու առաջնորդ արքեպիսկոպոս Թոմաս Դ՝Սազան և քաղաքի այլ կրթօջախների ղեկավարներ։ Դպրոցի սաների կատարմամբ կայացավ տոնական համերգ և բեմադրվեց «Թմբկաբերդի առումը» պոեմը։

Միջոցառման հյուրերը հանդես եկան շնորհավորական խոսքով, իսկ կրթահամալիրի ղեկավար Մովսես աբեղա Սարգսյանը ներկայացրեց վերջին տարում դպրոցում իրականացված աշխատանքները և զարգացման առաջիկա ծրագրերը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր