Հնդկաստանի ՊՆ պատվիրակությունը մասնակցում է «ԱրմՀայԹեք-2018» ցուցահանդեսին

28 մարտի, 2018

Հնդկաստանի պաշտպանության նախարարության պատվիրակությունը ժամանել է Երևան՝ մասնակցելու ս.թ. մարտի 29-ից 31-ն անցկացվող սպառազինության և պաշտպանական տեխնոլոգիաների «ԱրմՀայԹեք-2018» 2-րդ միջազգային ցուցահանդեսին։

Այցի շրջանակներում մարտի 28-ին պատվիրակությանն ընդունել է ՀՀ պաշտպանության նախարար Վիգեն Սարգսյանը։ Հանդիպմանը մասնակցել է Հայաստանում Հնդկաստանի արտակարգ եւ լիազոր դեսպան Յոգեշվար Սանգվանը:

Քննարկվել են պաշտպանության բնագավառում հայ-հնդկական համագործակցությանն առնչվող հարցեր, մասնավորապես` երկու երկրների պաշտպանական գերատեսչությունների ներկայացուցիչների միջեւ 2017թ. Նյու Դելիում ձեռք բերված պայմանավորվածությունների կյանքի կոչման վերաբերյալ: Որպես համագործակցության հեռանկարային ուղղություններ նշվել են խաղաղապահությունը, ռազմական կրթությունը և վարժանքները: Հանդիպման ընթացքում քննարկվել են նաեւ ռազմատեխնիկական ոլորտում երկկողմ համագործակցությանն առնչվող հարցեր:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր