Չեննայում նշվեց Հայաստանի Անկախության 27-ամյակը

21 սեպտեմբերի, 2018

Սեպտեմբերի 21-ին Հնդկաստանում ՀՀ դեսպանությունը, Չեննայում ՀՀ պատվո հյուպատոսարանը և Հնդկական արդյունաբերությունների ֆեդերացիան համատեղ կազմակերպել էին ընդունելություն՝ նվիրված Հայաստանի Անկախության 27-րդ տարեդարձին: Հանդիսավոր արարողությանը ներկա էին տեղեկան իշխանության ներկայացուցիչներ, Ռուսաստանի, Գերմանիայի և Իսպանիայի գլխավոր հյուպատոսները, դիվանագետներ, արվեստի գործիչներ, ինչպես նաև Թամիլ Նադու նահանգից բազմաթիվ գործարարներ: Հյուրերին ողջույնի խոսքով դիմեցին Հնդկաստանում ՀՀ դեսպան Արմեն Մարտիրոսյանը և Չեննայում ՀՀ պատվո հյուպատոս Շիվկումար Իշվարանը:

Ցուցադրվեց փաստագրական ֆիլմ՝ նվիրված Հայաստանին։ Անդրադարձ կատարվեց Հայաստանի ներդրումային միջավայրի առավելություններնին ու տնտեսական առաջնահերթություններին, մտքեր փոխանակվեցին երկու երկրների միջև գործարար կապերի ակտիվացման վերաբերյալ: Միջոցառման շրջանակներում տեղի ունեցավ Հայաստանում Հնդկաստանի նախկին դեսպան Աչալ Մալհոտրայի հեղինակած «India-Armenia: So Far yet So Close» գրքի շնորհանդեսը: Գիրքը լույս է ընծայվել Չեննայում ՀՀ պատվո հյուպատոս Շիվկումար Իշվարանի հովանավորությամբ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր