Երևանի Ա.Շիրակացու անվան ճեմարանը համագործակցում է Նյու Դելիի «Springdales» դպրոցի հետ

04 փետրվարի, 2019

Փետրվարի 4-ին Երևանի Ա.Շիրակացու անվան ճեմարանի պատվիրակությունն ի դեմս Տաթևիկ Նալբանդյանի և Իլոնա Հովասափյանի, Հնդկաստանում ՀՀ դեսպանության աջակցությամբ այցելել է Նյու Դելիի «Springdales» հեղինակավոր դպրոց՝ վերջինիս ղեկավարության հետ քննարկելու երկու կրթօջաղների միջև համագործակցության հնարավորությունները։ Հանդիպմանը ներկա էր նաև Հնդկաստանում ՀՀ դեսպանության հյուպատոս Գևորգ Հախվերդյանը:

«Springdales» դպրոցի աշակերտները 1988թ. Սպիտակի երկրաշարժի օրերին Նյու Դելիի կենտրոնական փողոցներում և հրապարակներում կազմակերպել էին դրամահավաք և հանգանակված գումարը փոխանցել երկրաշարժից տուժածներին։

Երկու դպրոցների միջև համագործակցության հաստատումը նախաձեռնել է Հնդկաստանում ՀՀ դեսպանությունը։

Հանդիպման ընթացքում քննարկվեցին փոխանակման ծրագրերի, համատեղ ամառային ճամբարի, նկարչական մրցույթների, STEM ուղղությամբ փորձի փոխանակման, առարկայական ուսուցիչների համագործակցության և սաների կողմից նախագծերի իրականացման հեռանկարները: Համաձայնություն ձեռք բերվեց՝ մշակել տարեկան գործողությունների ծրագիր և ժամանակացույց, պատրաստել փոխըմբռնման հուշագիր համագործակցությունը շարունակական դարձնելու նպատակով:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր