Դելիի հայ համայնքը նշում է Մահաթմա Գանդիի 150-ամյակը

10 փետրվարի, 2020

Հնդկաստանում ՀՀ դեսպանությունը և Դելիի Հայկական մշակութային կենտրոնը «Գանդի Սմրիթի» կենտրոնի հետ համատեղ Մահաթմա Գանդիի 150-ամյակի շրջանակներում փետրվարի 10-ին կազմակերպել էին մշակութային միջոցառում` «Մահաթմա Գանդիի ճանապարհով. Հայաստան-Հնդկաստան՝ դեպի խաղաղություն և ոչ բռնություն» խորագրով։

Ներկաներին ողջունեց և ելույթով հանդես եկավ Հնդկաստանում ՀՀ դեսպան Արմեն Մարտիրոսյանը։ Միջոցառմանը Հայ-հնդկական մշակութային կենտրոնը հնդիկ հանդիսատեսին ներկայացրեց Հայաստանի վերաբերյալ ճանաչողական նյութ։ Ելույթ ունեցան Հայ-հնդկական մշակութային կենտրոնի ղեկավար Գայանե Մովսիսյանը, կենտրոնի անդամներ Մանե Մկրտչյանը և Նաիրա Մկրտչյանը, հայ համայնքի բարեկամներ հայտնի բժիշկ պրոֆեսոր Մոհսին Վալին և գրող -հրապարակախոս տիկին Սուման Քեշարին, ինչպես նաև՝ «Գանդի Սմրիթի» կենտրոնի ներկայացուցիչ պարոն Վեդաբհյա Կունդուն։

Միջոցառմանը ներկա էր և ելույթով հանդես եկավ նաև տիկին Ջիլ Քար-Հարիսը, ով հանդիսանում է «ՋԱՅ ՋԱԳԱՏ-2020 հանուն արդարության և խաղաղության» Դելի-Ժնև քայլերթի կազմակերպիչը։ Քայլերթը, որը մեկնարկել է նախորդ տարի հոկտեմբերի 2-ին՝ Մ.Գանդիի 150-ամյակի օրը, անցնելու է Հայաստանի տարբեր շրջաններով՝ տարածելով խաղաղության և ընդդեմ բռնության ուղերձը։

Հայաստանից ժամանած «Կայթ» նվագախմբի կատարմամբ հնչեցին հայկական ավանդական երգեր։

Միջոցառմանը ներկա էին և ելույթ ունեցան Դելիի մի շարք դպրոցների աշակերտներ՝ այդ թվում անօթևան ընտանիքներից։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր