Դեսպան Արմեն Մարտիրոսյանն իր հավատարմագրերն է հանձնել Նեպալի նախագահին

14 փետրվարի, 2020

Փետրվարի 13-ին Նեպալի դաշնային Ժողովրդավարական Հանրապետությունում Հայաստանի Հանրապետության արտակարգ և լիազոր դեսպան Արմեն Մարտիրոսյանն իր հավատարմագրերն է հանձնել այդ երկրի նախագահ տիկին Բիդյա Դեվի Բհանդարիին։

Հանդիսավոր արարողություննից հետո Նախագահ Բհանդարիի հետ տեղի է ունեցել դեսպան Մարտիրոսյանի առանձնազրույցը, որի ընթացքում քննարկվել են երկկողմ համագործակցության առավել արդյունավետ ուղղությունները։ Կողմերը երկուստեք կարևորել են փոխգործակցությունը ՄԱԿ-ի շրջանակներում։ Տիկին Բհանդարին առաջարկել է նաև ՄԱԿ-ի շրջանակներում ակտիվացնել համագործակցությունը դեպի ծով ելք չունեցող երկրների միջև։ Կողմերը համակարծիք են եղել առ այն, որ անհրաժեշտ է ուսումնասիրել երկկողմ առևտրատնտեսական կապերի զարգացման տեսանկյունից առավել հեռանկարային ուղղությունները։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր