ՀՀ դեսպան Արմեն Մարտիրոսյանն աշխատանքային այցով մեկնել է Բանգլադեշ

26 մարտի, 2018

Բանգլադեշում ՀՀ դեսպան Արմեն Մարտիրոսյանը (նստավայրը՝ Նյու Դելի) մարտի 26-ին Դաքքայում մասնակցել է Բանգլադեշի անկախության օրվան նվիրված հանդիսավոր միջոցառումներին։

Ացի շրջանակներում դեսպան Մարտիրոսյանը հանդիպում է ունեցել Բանգլադեշի արտաքին գործերի նախարարությունում և քննարկել Հայաստան-Բանգլադեշ հարաբերությունների զարգացման հեռանկարը։

Մարտի 27-ին դեսպան Մարտիրոսյանին ընդունել է Բանգլադեշի մշակույթի նախարար Ասադուզաման Նուրը: Հանդիպման ընթացքում կողմերը քննարկել են մշակույթի ոլորտում երկկողմ համագործակցության հնարավորությունները, ինչպես նաև Բանգլադեշում հայկական պատմամշակութային ժառանգության պահպանման խնդիրները։

Հայկական հուշարձանների պահապանության հարցը դեսպան Մարտիրոսյանը քննարկել է նաև Յունեսկոյի հարցերով Բանգլադեշի ազգային հանձնաժողովի գլխավոր քարտուղար Սոհորաբ Հուսեյնի հետ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր