Մեդալների շնորհում Հնդկաստանի հայ համայնքի ներկայացուցիչներին

13 ապրիլի, 2018

Արցախում պատերազմական գործողությունների հետևանքով վիրավորված զինծառայողների բժշկական օգնության ապահովման և նրանց ընտանիքներին ցուցաբերած աջակցության համար Հնդկաստանում ՀՀ դեսպանության առաջարկով ս.թ. ապրիլի 13-ին Կալկաթայի Սուրբ Նազարեթ Հայոց եկեղեցու վարչության ավագ անդամներ Սունիլ Սոբթին և Սյուզան-Մարգարեթ Ռուբենը ՀՀ պաշտպանության նախարար Վիգեն Սարգսյանի կողմից պարգևատրվեցին Վազգեն Սարգսյան մեդալով:

Կալկաթայի Սուրբ Նազարեթ Հայոց եկեղեցու հովանավորությամբ Հնդկաստանի լավագույն բժշկական հաստատություններից մեկում բուժօգնություն են ստացել ՀՀ ԶՈՒ ավագ լեյտենանտ Սարգիս Գաբրիելյանը, Արցախի Հանրապետության ՊԲ սերժանտ Գևորգ Դադասյանը և ՀՀ ԶՈՒ մայոր Սարգիս Ստեփանյանը:

Հնդկաստանում բուժման ողջ ընթացքում խիզախ հայորդիներին և նրանց ուղեկցող հարազատներին ջերմորեն հյուրընկալել է Կալկաթայի հայոց մարդասիրական ճեմարանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր