Քննարկվել են Հայաստանի հեռուստաբժշկության համակարգի զարգացման ուղիները։

01 մայիսի, 2018

Հեռուստաբժշկության բնագավառում Հնդկաստանի առաջատար փորձին ծանոթանալու նպատակով ս.թ ապրիլի 30-ին Հնդկաստանում ՀՀ դեսպան Արմեն Մարտիրոսյանն այցելել էր Ուտար Պրադեշ նահանգի մայրաքաղաք Լաքնոուի Սանջայ Գանդիի անվան բժշկական գիտությունների ասպիրանտական ինստիտուտ:

Դեսպան Մարտիրոսյանը հնդիկ մասնագետներին ներկայացրել է Հայաստանում ստեղծված համակարգի զարգացման հնարավորությունները։ Ինստիտուտի պրոֆեսորական կազմի ներկայացուցիչները դեսպանին ծանոթացրել են հեռուստաբժշկության կենտրոնի գործունեությանը և պատրաստակամություն հայտնել աջակցելու Հայաստանում ստեղծված համակարգի արդյունավետ շահագործմանը։

Հնդկական կողմը պատրաստակամություն է հայտնել նաև Հնդկաստանի լավագույն մասնագետների մասնակցությամբ իրականացնել հեռակա դասընթացներ՝ նպաստելով առաջատար փորձի տարածմանը Երևանի Մ.Հերացու անվան պետական բժշկական համալսարանի ուսանողների շրջանում։ Այդ աշխատանքներին կմասնակցի նաև ԵՊԲՀ հնդիկ շրջանավարտների ասոցիացիան։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր