ԵՊԲՀ-ն կապ է հաստատում Հնդկաստանի առաջատար բժշկական հետազոտությունների կենտրոնի հետ

28 հունիսի, 2018

Հնդկաստանում ՀՀ դեսպան Արմեն Մարտիրոսյանի՝ վերջերս Հնդկաստանի Լաքնոու քաղաքի Սանջայ Գանդիի անվան բժշկական գիտությունների ասպիրանտական ինստիտուտ այցի ընթացքում ձեռք բերված պայմանավորվածությունների կատարման նպատակով հունիսի 27-ին Երևանի Մ.Հերացու անվան պետական բժշկական համալսարանի միջազգային գործունեության և արտաքին կապերի գծով պրոռեկտոր Երվանդ Սահակյանն այցելել է Լաքնոու և հանդիպում ունեցել վերոնշյալ ինստիտուտի ղեկավարության հետ։

Ձեռք է բերվել նախնական պայմանավորվածություն՝ համագործակցելու բժշկական նեղ մասնագիտական կադրերի պատրաստման և կատարելագործման բնագավառում, ինչպես նաև օգտագործելով ինստիտուտի տեխնիկական լայն հնարավորությունները՝ ստեղծելու համատեղ հեռաբժշկության ցանց փորձի փոխանակման, հատուկ դեպքերում ախտորոշման և բուժման, ինչպես նաև բարձր տեխնոլոգիաներ պահանջող վիրաբուժական միջամտությունների ընթացքում հեռակոնսուլտացիաների անցկացման հարցերում:

Այցի ընթացքում պրոռեկտոր Սահակյանին ուղեկցում էր Հնդկաստանում ԵՊԲՀ հնդիկ շրջանավարտների միության նախագահ Դալջիթ Սինգհ Չաուհանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր