Դեսպան Արմեն Մարտիրոսյանն իր հավատարմագրերն է հանձնել Շրի Լանկայի նախագահին

01 փետրվարի, 2019

Այսօր Շրի Լանկայի Դեմոկրատական Սոցիալիստական Հանրապետությունում Հայաստանի Հանրապետության արտակարգ և լիազոր դեսպան Արմեն Մարտիրոսյանն իր հավատարմագրերն է հանձնել այդ երկրի նախագահ Մայթրիպալա Սրիսենային։

Շրի Լանկայի նախագահին միաժամանակ իրենց հավատարմագրերն են հանձնել ևս տասնմեկ երկրների նորանշանակ դեսպաններ։

Պաշտոնական արարողությունից հետո դեսպան Մարտիրոսյանը Շրի Լանկայի արտաքին գործերի նախարարությունում քննարկում է ունեցել երկկողմ միջպետական հարաբերությունների զարգացման ուղղությամբ ձեռնարկվելիք քայլերի վերաբերյալ։ Հատկապես կարևորվել են Հայաստանի և Շրի Լանկայի միջև կրթության և մշակույթի ոլորտներում համագործակցության հնարավորությունները, ինչպես նաև՝ առևտրատնտեսական կապերի ակտիվացումը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր