Հայկական տիկնիկները և հեքիաթները ներկայացվեցին հնդիկ երեխաներին

16 ապրիլի, 2019

Ապրիլի 16-ին Նյու Դելիի հայկական մշակութային կենտրոնի անդամները և Հնդկաստանում ՀՀ դեսպան Արմեն Մարտիրոսյանը հանդիպում ունեցան Դելիի «Շանկարի մանկական կենտրոնի» ղեկավարության հետ և քննարկեցին համագործակցության ուղիները։

Վերոնշյալ կենտրոնն իր գործունեության 62 տարիների ընթացքում դարձել է Դելիի երեխաների ստեղծագործական զարգացման առաջատար օջախներից մեկը։ Այստեղ ներկայացված են 85 երկրներից մոտ 7 հազար մանկական տիկնիկներ։ Կենտրոնի հարուստ գրադարանը հնարավորություն է ընձեռում հնդիկ երեխաներին ծանոթանալ տարբեր ազգերի հեքիաթներին։

Հայ համայնքի ներկայացուցիչները կենտրոնին նվիրեցին հայկական տիկնիկներ, ինչպես նաև՝ Հովհաննես Թումանյանի հեքիաթների ժողովածուն։ Դեսպան Մարտիրոսյանը ներկայացրեց Հայաստանում երեխաների ստեղծագործական զարգացման ուղղությամբ կառավարության քաղաքականությունը և առաջարկեց երկու երկրների միջև համագործակցություն հաստատել այդ բնագավռում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր