Հայաստանը մասնակցում է Սուրաջկունդի 34-րդ փառատոնին

03 փետրվարի, 2020

Փետրվարի 1-ին Հնդկաստանի նախագահի կողմից տեղի ունեցավ Սուրաջկունդի 34-րդ փառատոնի հանդիսավոր բացումը։ Հնդկաստանի Հարյանա նահանգի Ֆարիդաբադ քաղաքում կազմակերպվող արհեստների ամենամյա ցուցահանդեսն իր տեսակի մեջ խոշորագույնն է աշխարհում։

Արդեն ավանդույթ է դարձել Հայաստանի մասնակցությունը փառատոնին։ Այս տարի հայկական պատվիրակությունն աննախադեպ ներկայացուցչական է։

Հայկական տաղավարում արհեստագործ վարպետներ Արմենուհի Խաչատրյանը, Արմինե Պողոսյանը և Մարալ Շեուհմելիանը հյուրերին են ներկայացնում իրենց ձեռագործ աշխատանքները։

Առաջին անգամ փառատոնին ներկայացված է նաև հայկական ժողովրդական կատարողական արվեստը՝ ի դեմս Կորյուն Դավթյանի ղեկավարությամբ հանդես եկող «Կայթ» նվագախմբի։

Հնդկաստանում ՀՀ դեսպան Արմեն Մարտիրոսյանը, ՀՀ դեսպանության աշխատակիցներն ու հայ համայնքի ներկայացուցիչները այցելեցին փառատոնին և ծանոթացան հայկական տաղավարին, որը մշտապես մարդաշատ է։

Փառատոնը կընթանա մինչև փետրվարի 16-ը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր